गणेशोत्सव २०२६

श्रीमंत दगडूशेठ हलवाई गणपती बाप्पा हा कोट्यवधी भाविकांचे श्रद्धास्थान आहे. या वर्षी गणेशोत्सवाला 134 वर्ष होत आहेत. प्रतिवर्षी आपण देशातल्या विविध मंदिर आणि राजप्रासाद यांच्या प्रतिकृती देखाव्याच्या स्वरूपामध्ये करत आलेलो आहोत. त्याने भारतातल्या विविध आणि समृद्ध संस्कृतीचा परिचय हा इथल्या लोकांना होत असतो आणि इथल्या लोकांचा आणि त्या त्या राज्यातल्या लोकांचा एक भावनिक बांध अधिक दृढ होत असतो. या दृष्टिकोनातून यंदाच्या वर्षी आपण वृंदावन, उत्तर प्रदेश येथील भव्य 'प्रेम मंदिर' ची प्रतिकृती देखाव्याच्या स्वरूपामध्ये साकारलेली आहे. हे मंदिर प्रेमाचे आणि सद्भावनेचे प्रतीक आहे. यंदाच्या सजावटीला विद्युत रोषणाईचा विशेष साज असणार आहे, जो या भव्य मंदिराच्चे सौंदर्य अधिक खुलवेल. यामध्ये गणपती बाप्पांच विलोभनीय मखर आणि त्या मखराच्या बाजूला श्री कृष्ण आणि श्री राधे यांच्या मनमोहक मूर्ती विराजमान होणार आहेत, त्यामुळे ते विशेष आर्षकणाचे विषय भक्तांसाठी ठरणार आहे. या निमित्ताने सर्व गणेशभक्तांना यंदाच्या गणेशोत्सवाचे हार्दिक निमंत्रण, आपण याव, बाप्पांचे दर्शन घ्याव आणि पावन व्हाव.

धन्यवाद,
जय गणेश!